Bajraktari, i dënuar me 7 vjet burg në Shqipëri

Kreu i Policisë së Tiranës, Bernard Çaushaj, tha dje se për llogari të Vasil Bajraktarit ishin sekuestruar veç hotelit luksoz në rrugën “Gjin Bue Shpata” edhe disa apartamente në zonën e ish-Bllokut. Vasil Bajraktari është dënuar nga Gjykata e Rrethit Tiranë me 7 vjet burg për veprën penale të “Shfrytëzimit të prostitucionit në rrethana rënduese”. Për këtë vepër penale, Gjykata e Apelit Torino – Itali e ka dënuar me 8 vjet burgim. Ai mësohet se është arrestuar në muajin shkurt, pikërisht për këtë dënim. Sipas burimeve të policisë, Bajraktari është dënuar për shfrytëzimin e disa femrave në Itali, duke u shpallur fajtor në këtë vend e më pas dosja është transferuar në Tiranë. Paratë e fituara nga ky aktivitet mësohet se janë investuar në pasuri të patundshme në Shqipëri, ndër to hoteli në kryeqytet dhe disa apartamente e troje në emër të tij apo të të afërmve. Kreu i Policisë së Tiranës tha po kryhen hetime për identifikimin e pasurive të tjera dhe për persona të tjerë të implikuar në këtë procedim, ndër të cilët edhe familjarë apo të afërm të tyre.

 

We cannot load blog data at this time.

Komentet janë mbyllur